Proverbs 24

1Ungabi lamhawu ngabantu ababi ^a, ungaloyisi ukuba labo ^b. 2Ngoba inhliziyo yabo iceba udlakela ^c, lezindebe zabo zikhuluma uhlupho ^d. 3Ngenhlakanipho indlu iyakhiwa ^e, langokuqedisisa iqiniswe ^f. 4Langolwazi amakamelo agcwaliswa ngempahla zonke eziligugu lezimnandi. 5Umuntu ohlakaniphileyo ulamandla, lomuntu ololwazi uqinisa amandla ^g. 6Ngoba ngezeluleko ezihlakaniphileyo ungalawula impi yakho ^h, lokukhululwa kusebunengini babeluleki ⁱ. 7Inhlakanipho ^j enkulu iphakeme esiwuleni ^k; esangweni kasivuli umlomo waso ^l. 8Oceba ukwenza okubi ^m, bazambiza ngokuthi ngumnikazi wamacebo amabi ⁿ. 9Umcabango wobuwula yisono, lesideleli siyisinengiso emuntwini ^o. 10Uba uzitshengisa uxega ngosuku lokuhlupheka, amandla akho mancinyane ▼

▼ mancinyane: Heb  angumcingo.

. 11Bophule abasiwa ekufeni ^q, labatatalikela ekubulaweni, kungathi ungabanqanda ^r. 12Uba usithi: Khangela besingakwazi ^s lokhu; ohlola izinhliziyo yena kayikukunanzelela yini ^t? Olondoloza umphefumulo wakho yena kakwazi ^u yini? ngitsho ubuyisela emuntwini njengokomsebenzi wakhe ^v? 13Dlana uluju, ndodana yami, ngoba lulungile ^w, lohlanga loluju lumnandi elwangeni lwakho ^x. 14Lunjalo ulwazi lwenhlakanipho emphefumulweni wakho ^y; uba uluthola, kuzakuba lomvuzo ^z, lethemba lakho kaliyikuqunywa ^aa. 15Wena okhohlakeleyo, ungacathameli umuzi wolungileyo; ungachithi indawo yakhe yokuphumula ^ab. 16Ngoba olungileyo uzakuwa ^ac kasikhombisa, avuke ^ad futhi; kodwa abakhohlakeleyo ^ae bazakhubeka ebubini ^af. 17Ungathokozi ngokuwa kwesitha sakho ^ag, lekukhubekeni kwaso inhliziyo yakho kayingajabuli ^ah; 18hlezi iNkosi ikubone, kube kubi emehlweni ayo, iphendule ulaka lwayo ilususe kuso. 19Ungazikhathazi ngenxa yabenzi bobubi ^ai, ungabi lamhawu ngabakhohlakeleyo ^aj; 20ngoba omubi kayikuba lomvuzo ^ak; isibane sabakhohlakeleyo sizacitshwa ^al. 21Ndodana yami, yesaba uJehova lenkosi; ungahlanganyeli labaguquguqukayo ^am; 22ngoba incithakalo yabo izavuka masinyane; njalo ngubani owazi ukuchitheka ^an kwabo bobabili ^ao?

Amanye amazwi abahlakaniphileyo

23Lala ngawabahlakaniphileyo. Ukunaka ubuso kusahlulelo kakulunganga ^ap. 24Othi kokhohlakeleyo: Wena ulungile ^aq; abantu bazamqalekisa, izizwe zizamthukuthelela ^ar. 25Kodwa kulabo abamkhuzayo kuzakuba lentokozo, lesibusiso esihle sizabehlela. 26Ophendula ngamazwi aqondileyo ^as uzakwanga indebe. 27Lungisa umsebenzi wakho ngaphandle, uzilungiselele wona ensimini, emva kwalokho wakhe indlu yakho ^at. 28Ungabi ngumfakazi umelene lomakhelwane wakho kungelasizatho, kumbe ukhohlise ngendebe zakho ^au. 29Ungathi: Njengokwenza kwakhe kimi ngizakwenza njalo kuye; ngizaphindisela emuntwini njengokomsebenzi wakhe ^av.

30Ngedlula ensimini yevila ^aw, lesivinini somuntu oswele ingqondo ^ax; 31khangela-ke, konke kwakumile ameva, imbabazane yayisibekele ubuso bakho ^ay, lomthangala wakho wamatshe udilikile ^az. 32Mina-ke ngakukhangela, ngakubeka enhliziyweni yami; ngakubona, ngemukela imfundiso ^ba. 33Ubuthongo obuncinyane, ukuwozela okuncinyane, ukusonga izandla okuncinyane ukuthi kulalwe ^bb, 34besebusiza ubuyanga bakho njengesihambi, lenswelo zakho njengomuntu ohlomileyo.